بدعها قايم

بن عطية قالها يوم أن بدعها قايم

بين جلاسٍ كأنهم يرقبون نظومه

حيث مثله لا تكلم بعد صمتٍ شايم

جاب عذبات القصايد واستوت مفهومه

بانصحك يا صاحبي دامك بدنيا هايم

ضعت وانا اللي لقيتك بين ليل ويومه

لا تقلد غيرك وخلك طبيعي دايم

وان تشابه بك حدٍ فاترك وراك علومه

عش حياتك وأنت عفوي ما يهمك لايم

والتصنع ما يفيدك فطرتك مقسومه

لو خليفة قد تماثل ما غدى هو زايم

مير حاله غير حال اللي ضعاف عزومه

كل شاري عند بايع بالسعر هو سايم

فرق بين الحر طبعاً لا عرض مع بومه

البحر حوته كأنه لا غدى به عايم

ذيل دابٍ بالرمل حرك وتاح هدومه

قلت ما قلته وجوي لو بدى لي غايم

ثابتٍ به واحدٍ ما ضاع بين سلومه