قالها لك

قالها لك بن عطية

بعد هاجوسٍ وطاري

القصيد اللي كتبته

ناقدي هو كان قاري

لكن اللي هو سمعني

عادها لا عاد ساري

الشعر كلٍ يقوله

بس انا به صرت ضاري

ما نظمته غير طربه

بين كم بايع وشاري

فرق لا منه ذكرني

من نساني وسط داري

كم عليلٍ لا عرفته

بالسقم قد صار باري

مجلسي مفتوح دايم

حاشمٍ ضيفي وجاري

والعدو ما هو بصوبي

من كسى به صار عاري

حيث انا سيفٍ مجرب

لا لمع هو كان فاري

والذي يجهل مقامي

باجهله لو كنت داري

تم قيلٍ ما نويته

هب به نسناس ذاري