موقدٍ ناره

قالها بن عطية موقدٍ ناره

مكرم الضيف منهو حاشم الجيره

بعدما عاد من غربة إلى داره

جاد من نعمة الله ليس من غيره

طول بغيبته في رحلة اسفاره

غاب والكل يذكر طيبه بخيره

ناصرٍ له محمد لا بغى شاره

جو سنايد عضايد كنهم ذخيره

لو خليفه فخر ما طاب له كاره

من حياة الفضيلة في خفى سيره

لكن البعض خلا سره اجهاره

يوم شافه شهد بالعلم في حيره

عاد ولد الردي هو سالي بعاره

طيري اللي صقرته غير عن طيره

بالشمايل بغى لسنافي أخباره

عودٍ يفوح يا من نافخٍ كيره

عقربٍ بث سمه في وسط غاره

منه ما مات منهو غص بالشيره

متحفٍ به تعجب كل من زاره

عقل منهو وجد به زاد تفكيره

فيه لوحة بها مرسومة حبارة

تحت غيمٍ دوى منه لها جيره

من شراها دفع هو غالي اسعاره

كان بريالٍ او دينارٍ او ليره

واللي انحاز تاره ثم رجع تاره

ما درى به سوى اللي هاب تحذيره

كنه العبد يرقص لا انصفق طاره

منه تعميره اللي كنه تدميره

تمٍ قيلٍ بديته ماخذ اشواره

من هجوسٍ نوى به فتنة يثيره