بعد ما هو صحى

قال الصبي الوايلي قيلٍ بعد ما هو صحى

من هاجسٍ لا غيبه لو حاضرٍ هو دون روح

الجن تعزف لي وانا حولي حدٍ ما هو وحى

وادون اللي اسمعه مثل النقوش اللي بلوح

دنياي لو هي دبرت يوم اقبلت مثل الرحى

في دورها ما وقفت الا بعد ما هي تشوح

أسمي ليا منه ذكر محدٍ بربه لي لحى

واللي نجوا هم بالعقم يوم إن آدم قبل نوح

والله لا اصرح بما اعلمه يا لولا السحى

حيث العوايد عودت بين القمم هي والسفوح

الذنب يغفر لو حصل حتى ولو يكتب محى

والعيب يبقى لو نسي حتى ولو يذكر مزوح

وأنا الذي كل ما قرب كنه تباعد وانتحى

ابغي مسافه فاصله لو وسطها بتحيل دوح

قلت الذي قلته فجر ايلين تميته ضحى

من غير لا ارجع له مثل منهو رجع بين النزوح