وحى به هاجسه

بن عطية وحى به هاجسه

من زمانٍ يشوف به الشقى

قالها بوح صدرٍ ما قدر

يكتم العلم يوم أنه هقى

لي وليفٍ بداله ما بدى

بعد ما شك في عهد النقى

الله اللي بعد هجرٍ كتب

بأني ألقاه في يوم اللقى

كل ما غاب عني كن له

نايبٍ عنه حاضر هو بقى

والوصل هو علاج اللي وجد

بالجفى كالجفاف اليا سقى

لا طمن كل غالي راقيٍ

من طمانه رخيصٍ ما رقى

والهوى ما يميز بالبشر

وافسقوا سبته اهل التقى

تم قافٍ بديته وانتهى

مثل من ضاع شيٍ ثم لقى