باقيه الآثار

لخلي بدارٍ باقيه الآثار

رسومٍ بها واقف وانا محتار

الأطلال تقربني وأنا مبعدٍ بها

ولاني من اللي لا بغى يختار

أنا اللي وليفي لا نأى حين كن بقى

بذكره إذا أنه لو هجر له دار

وهو داري اني حافظ الود دايماً

ولكنني ساهي مع السمار

لو أسج عنه بارجع بذكر حينها

ولو أنني باقي فقط باشوار

لأن الوصل صعبٍ إذا حاله النوى

ولا لي معه حيله سوى ما صار

وأنا قبل لا يحصل ترى دوم حالتي

شفوقٍ على طاريه بالأذكار

ولو الهوى هبه إذا اشتد يكشفه

وهو مستتر والله ترى بأغار

فلا له مع الركبان لا علم بالردى

ولا له مع الشمات ذكرٍ عار

عليه الحيى زينه من الله ربما

إذا ما سمع صوتي ترى هو ذار

ولولا المحارم كان ما شيف بالورى

إذا ما استحى منهم بعد ثم حار

للاماه أنا شفقٍ على الدوم طالما

بعيدٍ غدى عني ترى منهار

وذا قيل من قيله ليا عد يختصر

لأنه بديعٍ منتظم للجار