بالحكي مبحوح

يا صاح صوتي بالحكي مبحوح

اسمع رعاك الله دون افصاح

وجهي وانا ساكت ترى مفضوح

يكفيك شرحه والأمر قد لاح

هو باح لك قدام انا لا ابوح

من غير كلمه والعلوم صحاح

ما للهوى رابح ولا مربوح

يا كود مذبوحٍ مع ذباح

قلبي غدى به واحدٍ مملوح

ابو خدودٍ كنها التفاح

اللي ليا منه خطى مسموح

حتى ولو انه رفض الاصلاح

ويروح بجروح ويجي بجروح

على هواه الروح هي ترتاح

حبه بقلبي ليس ضحك مزوح

بل كالعمر غالي اذا ما راح

مهما بغيت ابينه بوضوح

منه دليلي كالجليد ان ساح

لكن لك الله ماني بلاحوح

واجود له دام السنين شحاح

يفداه قلبٍ قد رخص له روح

تنزاح له قدام ما تنزاح

طوفان به ماجت سفينة نوح

لو بركةٍ يغرق بها سباح

واللي تجلد بالهوى بينوح

نوحة لحاله لا بقى هو صاح

لا قام قايم ما طرح مطروح

لكن وقف هاجس بعدها طاح

هذا كلام اللي قري في لوح

مكتوب هو لك فيه شي يا صاح