ألفية ٣

ألفٍ ألا ما لك لوا

يا صاحبي نمشي سوى

باللي وحى واللي حوى

والقيل بالمعنى تلاه

باءٍ براسي كل سبب

قد شفت انا فيه العجب

ولا العجم ويا العرب

ما هم سوى عندي رواه

تاءٍ ترى منهو تحت

كنه تصور لا نحت

واللي فقر لا من شحت

محدٍ غناه اليا عطاه

ثاءٍ ثوى من به غثى

واللي عثى لا من عثى

كنه هجا لا من رثى

والموت هو بعد الحياه

جيمٍ جعل منهو خرج

يدخل بعد ما هو عرج

واللي ركب ما هو سرج

ما له مع الدنيا طراه

حاءٍ حيى لي من وحى

واللي نحى عني ضحى

كل نايمٍ لا من صحى

يدعي ليا صلى صلاه

خاءٍ خليفه له اخو

يشتد له لا من رخو

خلان لو ما هم سخوا

طيبه كأنه هو رداه

دالٍ دفع منهو وجد

واللي وجد كنه حمد

والعين ما فيها رمد

والذيب يبطي في عواه

ذالٍ ذبح كل من نبذ

واللي تقدم له وشذ

كل ما تذاخر قد نفذ

لا باع كل اللي شراه

راءٍ روى كل من سرى

باللي جرى او ما جرى

لا من تذكر او طرى

من بعد ما شيٍ نساه

زاءٍ زحف منهو برز

واللي برز كنه حرز

مسباح يلوى بالخرز

يامر على منهو نهاه

ساءٍ سهى منهو خرس

يسمع كما صوت الجرس

واللي تعلم ما درس

لا ضيعه منهو لقاه

شاءٍ شعر منهو طرش

والجن لا منه خرش

يطوي معا زلٍ فرش

والدرب عاده من سراه

صادٍ صلى كل من ربص

واللي تخلص ما خلص

زايد وما حوله نقص

والمبتلي ابطى بلاه

ضادٍ ضياع اللي رفض

ماني بمنهو قد نقض

واللي اخذ له هو غرض

ياكل مع الدنيا غداه

طاءٍ طرى ما قد شرط

لا من شرط كنه خرط

واللي تمايل لا فرط

من يمسكه طيب نباه

ظاءٍ ظهر منهو وعظ

واللي تحفظ لا حفظ

باسمي كأنه هو لفظ

كلٍ مشى على هواه

عينٍ عمى عين ودعى

واللي دعى ليته رعى

لانه سعى باللي سعى

كل هم بعده هو جلاه

غينٍ غوى منهو بغى

لانه بعد عدله طغى

لا من هدر كنه رغى

والقاف مع وزنه حداه

فاءٍ فعل منهو عرف

دامه على رتبة شرف

واهل الحكي واهل الترف

كلٍ تولى ما ولاه

قافٍ قرى كل ما طرق

طرقٍ وحبره في ورق

واللي غرب لا من شرق

كن بالتغابي جا ذكاه

كافٍ كفى حملٍ برك

شاله حدٍ في معترك

ساكن ولكن لا احترك

فقير يرفض له زكاه

لامٍ لعل اللي وصل

يذكر جميع اللي حصل

ريح الخزامى كالبصل

عند الذي خارت قواه

ميمٍ محى اسم الرسم

واطلال له مثل الوسم

واللي تنفس لا نسم

كنه تعلى في سماه

نونٍ نكر منهو سكن

اهله وكل من بالوطن

دامه بعد قدره وهن

لا من دنى غيره علاه

هاءٍ هوى منهو سهى

واللي أمر لا من نهى

كنه بفكره في دهى

والبيت له منهو نصاه

واوٍ ولو كل من ولو

واللي كأنهم لا سلوا

تموا ولا هم لا ارحلوا

حلمٍ وطرفي هو رآه

ياءٍ يا ليت اللي يلي

مثل الذي اسمه علي

مجهول لكن مع هلي

معلوم كل ما هو معاه