بالمواجب رجالها

ارى القوم قلت بالمواجب رجالها

ولكنها تكثر موارد حلالها

غدوا كنهم بالوقت العاب تنلعب

دنيه ولو يدنى عليها زوالها

فلا كل شيخٍ شيخ لا عد بالملى

سوى من فعل لا كلمته كان قالها

ولا كل منهو قال له قول ينسمع

اذا انه حكيمٍ بس بالاذن نالها

ترى الناس اجناسٍ والايام كاشفه

حدٍ عن حدٍ والكل من خلف جالها

احد تحسبه عالي واذا نابه الدهر

لقيته هفى مذراه مرقد ظلالها

واحد تحسبه هافي واذا عاده الزمن

وجدته على بحمول يبرك وشالها

هي صدوف بقعا تشخل الناس دايماً

ليا جات ما راحت خفافٍ ثقالها

وأنا اللي معاها عشت وان مت فالفنى

على المودمي مكتوب ميتته حالها

فلا الخوف ينجيني من الموت والسبب

من الله تجيه ظروف تكثر قلالها

اذا عشت نفسي دوم انا شيت عزها

ولا خاب من نفسه عزيزه بفالها

معارك حياتي خضتها خوض فارسٍ

تقدم جيوشٍ قادها بعد صالها

فتح هو بلاد الكفر والشرك عندما

هرب من ولاها وانتهى هو ضلالها

هوى نجم بعده نجم واليوم لا مضى

غدى بالسما عرجون كنه هلالها

إذا انها بقت لحظه بعدها تغيرت

تجافت وهي كنها تموه قبالها

لها لا عجز كل البشر جات وافيه

وهي كنها للنقص سدت كمالها

وكم حاضرٍ مفقود كنه ولو وجد

وكم فارسٍ مطروح هو في نزالها

بها كل وفي مغدور لا شك والزمن

قفى به كما زادٍ تشيله جمالها

فهذي هي الدنيا مع الناس دوبها

تمايل بها الامال من حر مالها

وذا قيل من قيله ليا قال يفعله

وكلمته مسموعه وهو بعد طالها