والرسم مرسوم

حي الطلل والرسم مرسوم

كالجرح له هو اثر دايم

لا طحت به كيف أنا باقوم

والنوح ينحب به الهايم

قم يا خيالي عداك اللوم

صور لي اللي معه رايم

عهدٍ مضى لا فنى مرحوم

والطير وقع له الحايم

الحب يغلب به الشغموم

والسوق به هو كذا سايم

العين ابطى عليها النوم

والجرح يدمي وانا شايم

أدرى عوايد معاها سلوم

وانا من مصلي وصايم

واصبر على الحظ والمقسوم

والوقت لي دايماً ضايم

لكنني بالهوى مهموم

مثل الغريق إن فقد عايم

تم البديع الذي منظوم

والجو ما هو ترى غايم