في سمو الأمير الوالد

قال العطية والعطية مقاله

لا من نوى به عاد به بالجزاله

قيلٍ بدع من غير حاجة ولا سبب

لكن فاض القاف والوزن شاله

سلام يا أبونا حمد أو أميرنا

من ولده اللي هو بعد ولد خاله

يا شيخنا ياللي زعامتك بالورى

تفرق بها عن كل نادر خصاله

أنت الكبير اللي ما ننساه بالزمن

وأنت العظيم اللي عظيمة عياله

بومشعل الوافي قطر شاد شانها

لين أستوت جنة خضرها ظلاله

أمن وأمان وبالعدالة غدى الحكم

منه المواطن طاب بالوقت فاله

دام الحضارة بالبداوة غدت كما

بدرٍ هلاله بالفلك جا كماله

هذي قطر دولة ولكن صيتها

عن قارةٍ كل قطري زان حاله

شعبك يعزك مثل أهلك وعزوتك

آلاد نافع للمفاخر وكاله

قلت الذي قلته ولا ردت منفعة

أو مصلحة والطيب منك نواله