ألا يالحمام

لا يالحمام اللي على غصن جر لحون

هنيك وأنا عيني عنتها هوانيها

سمعتك وأنا ماني بفرحٍ ولا محزون

وكني فهمت اللي خفت هي معانيها

ترى الصوت عذبٍ به سلى خافق المغبون

ومن كان عاليها ترى صار دانيها

وجودي علي وجد الذي عد هو مفتون

وهو بالعقل معلوم حاله لجانيها

أنا اللي بري لكن أنا بت به مسجون

وطن داره اللي شمسه اترود سانيها

وراع الهوى هو بالهوى ينحسب مجنون

ولو هو نشى له ديرةٍ مثل فانيها

عزيزٍ مقامي لا هفى قدر هو للدون

ونفسي على الشومات لا عاش شانيها

خليفة هجر مجلاس قالوا أو يقولون

بعد ما فعل والفعل بين لحانيها

تحزمت باللي لا وعد ما بقى مضمون

ولا لي معه غير الذي عاد بانيها

وتمت وانا معها كأني بضحك سنون

اسولف على من حمرةٍ كنه قانيها