يحول

يقوله بن عطية وهو في قوله يحول

عن الهزلات جزله يوافق هو مقاله

خليفة لا طرى له خياله عرضٍ وطول

تعرض لا تطاول خياله ما طرى له

يقول اللي يقوله وهو لو ما هو يقول

تقول ان الاقاويل جالت في مجاله

بقى بالصدر ما هو خفى بالعين من زول

يحسه من تغير بعد الأحوال حاله

فقدت اللي فقدته وانا ماني بمخذول

ولكني وجدته بلا عهد بكفاله

أنا لي صاحبٍ غاب عني كنه محمول

وهو عاده مع الحمل يرسل بالعماله

ليا مني ذكرته تراني مثل معزول

عن الدنيا وأهلها نقص بي في كماله

زمان الروس صارت توطي مثل الذيول

ولا به من تساوى عمامه من خواله

ذا قيل واحدٍ كن قيله عنه منقول

وهو ما قد دفع شي ابداً غير ماله