من جاش

ابن عطيه قال من جاش

ما همه ازعاج الخرايش

غنى بها منهو لها شاش

من بعد ما عاف الطرايش

اللي على الشرهات ما عاش

والرزق يبغي له حوايش

سقيٍ على كل الورى راش

لكن يا كثر العطايش

ولا الغنى ما طاب به لاش

مثل السلاح بكف طايش

كل يوم لي مسرى ومغباش

بدروب ما فيها حرايش

جفني على عيني كما فراش

سوادها ما به خدايش

منهو طلع بالسالفة داش

لو كان ما هو معك هايش

تالي العمر حصيلتي ماش

يا حيث أنا حولي غشايش

طاري وكنه كبسة فلاش

بين المناظر والدرايش

ترى الحكي معلوم ببلاش

عند الاصايل والكدايش

واللي تقدم كنه انحاش

بخطوب دهرٍ هي هرايش

قيصر غزى فارس والاحباش

وعروش له صارت رعايش

تميت ما يطرى بخرباش

حبره تزغرف كالحشايش