لا غرى

بن عطية بدعها لا غرى

هاجسٍ كن له طيفٍ سرى

عادها لا بدت ثم أنتهت

قصةٍ من سمعها ما قرى

في خيالٍ رسم له صورةٍ

تعجب اللي يردد يا ترى

وتغدي له حقيقة عاشها

واقعه عنها ما قد درى

عند الأطلال تاقف ناقتي

لو بها الحال ما عمره برى

وأتذكر هناك اللي حصل

واسأل النفس عن كل ما جرى

والطواري عواري كنها

من كساها سببها قد عرى

من تقدم بعمره دون ما

علم كنه رجع به للورى

سوق الأيام به منهو ربح

باع ما فيه كل اللي شرى

والحكي كل من قاله ولو

بالفعل نادر اللي هو حرى

الله اللي بحكمه ما ظلم

لكن الحيف ما بين الورى

قلت ما قلت وانهيته بعد

ما بديته ليا منه طرى