يا أخوي

يا أخوي أنا بالناس ماني ببلاس

أيضا ولاني بالتفاهات رامس

الحمد لله دايماً رافع الراس

ومن كلام أعداي ماني بحامس

ما لي مع كثر الهواجيس وسواس

لاني بلا سادس ولا ني بخامس

يا عنك والله ما ابد لان لي باس

واسمي ترى ما له مع الخلق طامس

انا الوحيد وحولي جموع من ناس

مصباح نورٍ لا ضوى ليل دامس

عذالي اللي اعلنوا مني افلاس

كنهم على ظهري لها لدغ نامس

ترى الأمل باقي ولا قاومه ياس

حتى ولو بالوقت قد عم عامس

قلت الذي قلته من افكار واحساس

في يوم هو جوه من الفجر شامس