وما معها

يقولها لك بن عطية وما معها

غير المضره عند من عاد نفاعه

الهاجس اللي لا طفت به وولعها

كل فكرةٍ كانت عصية قبل طاعه

وا نفسي اللي كن هواها بيردعها

واللي هوت به كنها معه رفاعه

منهو رخصها كنما هو بيمنعها

كالقارب اللي طاويٍ منه شراعه

كم كلمةٍ منهو حكاها بيسمعها

عند الذي هو بين الارياف مرباعه

والحاجه قلتها لك بعد دعها

والوقت يمضي بين ساعه بعد ساعه

بضاعةٍ يا مشتريها بقت بعها

والعلم معروفٍ بكل شي لمن ذاعه

الشمس كنها بالسما شرق من شعها

من بعدها تغرب والاعذار شماعه

قصيدةٍ بالنظم جازت لمبدعها

واوجز بها منهو جراها مع كراعه

ما قد سحبها بين الاضلاع يدفعها

ايلين صارت مثل كفٍ له ذراعه