قالها عنه

بن عطية قالها عنه

هاجسٍ ما جابها منه

من خيالٍ لا بعث طيفه

موق عيني يرتوي جفنه

والطواري لا طرت حامت

في سما فكري مع فنه

ليت لي وقتٍ لها واسلى

مثل وقت الفرض والسنه

لي وليفٍ ما رعى عهدي

كل ما جيته رحل كنه

في فؤادي ما هو بعادي

ما يميزه الغلى لانه

صورته للشوف راسمها

حلم نومٍ في وسط جنه

صوته اللي كن في سمعه

غاديٍ بأذني معه رنه

الله اللي ساقه لدربي

والتوى ظني على ظنه

صاحبي ما خاف بي الله

دوم يظلمني وانا احنه

والبلى بالسر في عشقه

ليت باسمه صحت بالونه

ذا مقال اللي مع قوله

باح ما بالصدر قد كنه