من بعد فترة

قالها بن عطية من بعد فترة

مع هجوسٍ جرى به فكرة الجاري

كني اللي على راسه لبس غترة

حس العقال لا منه طرى طاري

علم لا من ظهر محدٍ قدر سترة

باعه اللي بسوقه عاد هو شاري

خاس عضوٍ ولازم بعدها بترة

كنه الا طريقٍ اغلقه ساري

يا تقص الحبل ولا ترى حترة

من لبس ثوب بعده هو غدى عاري

ما فتر عزمي اللي ما قدر فترة

كل منهو بكاره غير عن كاري

والعشا ما ترك شفعه ولا وتره

واحدٍ دوم للقرآن هو قاري

والعرب لي بها في ضيقتي عترة

منها حال ضيفي هو مثل جاري

والمسافة تراها قيست بمترة

من حسبها بداره عود بداري

تم قيلٍ شربته لا كمل لتره

كنه الا بعد سقمه برى باري