يقوله بعد

بن عطية يقول اللي يقوله بعد

ما طراله وهو كنه بطاريه ناد

احمد الله تعالى كثر منهو حمد

واحدٍ فوق خلقه رايفٍ بالعباد

برق لا من تكاشف صاح منه رعد

ما نقص منه زادٍ بل معه دوم زاد

غاب كل من بمجلس لو حضر به شهد

ما وجد لو بكيفه راح هو ثم عاد

صدفةٍ لو تكرر كنها من عمد

لا لها من سبايب غير علمٍ وكاد

صنت انا كل عهدٍ للخوي مع وعد

يوم غيري تكلم والفعل عنه حاد

والذي كن قلبه منزوي بالحسد

قاد قومه ولكن هو ورى القوم قاد

دام هو في حياته كل من جد وجد

مع طموحي مرامي قد خذيته عناد

قيصر الروم عادة كل ما هو صمد

وسط روما كرمزٍ صرح حوله عماد

لكن الفرس فيها عند كسرى رفد

قوم للحرب هي تبغي سلاح وعتاد

بنت لي ما بعدها لو قبلها ولد

حبها في فؤادي فوق كل شي ساد

جعلها لي بريرة لين جلدي جعد

يوم شيبي تبين كنما حقل باد

كن ما لي بهالدنيا ابد من بلد

غربتي لازمتني مثل سورٍ يشاد

تم قيلٍ كخيمة ما لها من وتد

ثابته هي بجني ضرني يوم فاد