هو يملي

قال العطية مقالٍ فيه هو يملي

من ما رأى بالزمن لا ما ترواله

وقتٍ على كاهلي هو قد رمى حملي

لكن لك الله وثبت وشاله لحاله

ما أطيح وإن طحت كلٍ هاويٍ عذلي

والناس أحوالهم ما هي على حاله

أيضا ولاني بمزعج ربعي وأهلي

بهموم وقتٍ تعاود خيرة رجاله

أصمل وأنا ماني بمبطي ولا عجلي

وأبرز متى قيل قال الله ولا قاله

من لا يميز تمايز دوم يا خلي

والناس كلٍ بهم يفرق من أفعاله

عزي لكل من تمنى يستوي مثلي

والند ضدٍ ولا هو فالي بفاله

يا راسي اللي بفضل الله متعلي

يفداك كل خاينٍ ومنافق وعاله

محسود حتى وأنا معزولٍ ومبلي

لا واهني من يقول بسلوته ماله

محقود حتى وأنا أزكي وأنا أصلي

عزاه يا حال وحدة تكفر بداله

من راد قربي يبادر فيه مع وصلي

ولا ترى البعد أشوى لي وأشوى له

يا ليت صعبي تساوى به مع سهلي

لكن كل شي شاده شي ثم زاله

الدم مجراه كنه دايماً يغلي

من ما صبرته على ذالوقت وأهواله

والله لولاه جن جنوني بذهلي

يا مثبت العقل ثبتني بما ناله

هذا وأنا اللي أحلل شربكة حبلي

وأقصره دون الذي مده ولا طاله

لكن وقت العنا بعضه معه كلي

ما هو بيحلالي اللي دوم يحلاله

ما لي سوى الفطنة اللي تعتري عقلي

كل ما دهاني زماني جات تبرى له

وجدي على اللي ليا خلوه متخلي

عن كل عونٍ إذا ما نابته قاله

وأخوه قد همله لو هو مهب هملي

كنه فصل عنه من عمه ومن خاله

هذاك حالي ليا من جيت متجلي

لصدوف بقعا يمينه تصفق شماله

ذا قيل منهو بقافه كان متسلي

مهموم لكن معه قد زان هو باله