ألفية ١

ألفٍ أنا لي يا فتى ألف طراي

اموت معها لو بلاها ترى حي

والبا براسي عند الأفكار شراي

ما باعها منهو خذاها بلا شي

والتا تراني كل ما قلت حراي

باجيك واروح بلا ذاك او ذي

والثا ثرى كنه ليا ثار غلاي

ولا كلامٍ ينهرج هو كما العي

والجا جعل منهو نويته وهماي

يلقى بدالي واحدٍ مثلي شوي

والحا حرى بالمدح من كان حماي

له بالكرم والدين لا قيل يا وي

والخا خليلي راح وان عاد لي راي

باحوفه بنفسي عن العيب والسي

والدا دوا دائي بقفرٍ ونأآي

فيه النفل ويا خضاره معه زي

والذا ذوى زهر العمر وا هنياي

أنا شبابي ما طوى دونما طي

والرا رجال العرف واهل التجراي

يكفيهم وكل من اتى هو سوى هي

والزا زعل قلبي على عوق بلواي

حتى ركد من بعدها من سبب كي

والسا سلام الله على طيب مجناي

قرمٍ لك الله ما حصل به حصل بي

والشا شرور الخلق هي عند مقفاي

بتقول لك كل الذي قلت يا خي

والصا صلابة موقفي رغم مجفاي

عبرة على مر الزمن ما لها لي

والضا ضوى من بعد ما شح مخباي

دربٍ طول والركض عاده على الجي

والطا طمر لحصان لكن بلياي

فارس وانا اشوفه بمضمار في حي

والظا ظهر قرناس وادوى بدوياي

والخرب ريشه نثره بقاع مدمي

والعا عوى سرحان لا طاب ممساي

سفح على قاعٍ وبه ظبي مرمي

والغا غلى سعر الذهب مثل مغلاي

الله هو اللي عنده الاجر يجزي

والفا فقر من كان بطره وزباي

حتى غدى مفلس على الرش والري

والقا قوى من بعض ضعفه وقاواي

يخطي مع اللي بين الانام مبلي

والكا كمل لا من نقص لين ساواي

دينٍ يسدد من رصيدٍ ومملي

واللا لوى ذراعي ترى هو لو حذاي

كنه يبي يمسك علي شي مدلي

والما مهل من لا همل رب مولاي

لا واهنيهم منه والدون معلي

والنا نوى لي خير والحق دواي

ما كاد لي بالكيد والحق كالفي

والها هوى هو هل وهلال مهواي

ليته درى بان القمر ناقصه ضي

والوا ولا من لا ولا لات ملهاي

لحمٍ طهى كنه بعد ما بقى ني

واليا يا ليت اللي ثوى مثل مثواي

باقي على عهد الصبا كنه صبي