بعد ما ظل صامت

يقوله خليفة بعد ما ظل صامت

والأفكار هي كنها شرارات زيته

توالت تتالت من حواليه حامت

تقل كنها عافور لو ما رأيته

على ما طرى طاحت ومن ثم قامت

مع الهاجس اللي كنه صوت وجيته

لغيرك ترى الدنيا أبد ما أستدامت

فلا تقول لو أنه ولا تقول ليته

في غباتها غرقى لها جات عامت

وناسٍ حيت من بعد ما هي بميته

يا كم بالعداله تاجرت ثم ظامت

وهي شي منها ما حصل كان شيته

وانفسي على الزلات هي دوم شامت

ولكنه أسمي مكتفي به بصيته

للامجاد دايم كنها حيل رامت

لها بالمعالي حوش قد حاف بيته

من العز كنها بالفخر دوم زامت

على الجمر لا منه شعل سكب زيته

سحايب تعلت بالسما يوم غامت

مطرها رواني مثل ما انا رويته

ذي ابيات منهو كل ما قوم سامت

حكي من يبيعه يوم ما قط شريته