البين بان

البين بان وشان ما كان زاين

واللي تبين لي تبين بلا لان

راح الذي لا راح ما هو بهاين

واللي بقى بيروح لا عود وحن

الوقت لو أنه مهب دوم حاين

كانه بغى الرجعه بيرجع قبل ظن

العهد أنا له دايم الدوم صاين

ما خنت يوماً دون جحده ولا من

الله يعين اللي بليا عواين

لا عان ما عانوه وان عين هو عن

ما لي على كثر المعارف خداين

والوزن بالكيلو مقاسه او الطن

بعد زغوة شديت انا للضعاين

والبيت مبنيٍ على علمٍ وفن

السوق يربح به كثير الزباين

والدار يسكنها من الانس والجن

كن المعاني هي غدت لي دفاين

لو انها تظهر مع اللي بها كن

واسمي على صدري ترى دوم باين

يوم ان غيري لا ذكر قيل هو من

عزمي ابد ما هو مع الوقت لاين

والراس مرفوعٍ ولا يوم قد دن

والعمر مثل المال وسط الخزاين

يفنى مع الحاجة ولو ما لها سن

البال ما هو بالهواجيس شاين

كل ما عليه يعود فكرٍ ليا زن

كسرى ولو يسكن بوسط المداين

روما بها قيصر ولو هو نشد عن

والطايرات اللي بليا مكاين

طارت ولو ناقوس الانذار ما رن

والوادي اللي قد حوى له طماين

غنى به اللي في مجاله تمكن

قلته وانا مفرح معه لي غباين

قامت لذكر الله بها شيخ اذن