له ما هو عليه

بن عطية ما عليه دام له ما هو عليه

والورى كلٍ معه هو مصيره بالحياه

قالوا العالم خليفة وأنا رجلٍ نزيه

طيبي اللي فيه طب الردي لا جا رداه

ليس لاحدٍ مجلسٍ تعرفه لازم تجيه

صاحبه يكفيك هو عن غداه وعن عشاه

والمراجل ميزت كم وجيه وكم سفيه

والمراتب فرقت من ولاه ومن رعاه

يا زمانٍ ما بقى به ابد شيٍ نبيه

كل ما جد بجديدٍ ذكرت اللي وراه

وقتنا كم جاهلٍ فيه يلجم كم فقيه

دون حجة عقل بل صوت يرعن في نداه

الرجل ينفي بفعله كلامٍ قيل فيه

دون لا يدفع بنفسه أبد بأي إتجاه

لو حصل مهما حصل ما نشدت أعداي ليه

وأدحم بجنبي وشاني كفاني ما كفاه

راسي اللي رافعه دون جهل ودون تيه

وان ذكرت أسمي وحولي غريبٍ قال هاه

لا فخرت أفخر بنفسي وأنا ما لي شبيه

غير من هو كل ما ضيعوا قدره لقاه

انتهى قيل الذي باح ما به مبتديه

مثلما علمٍ نقل بعد وقعٍ له رواه