بعد ما هو ضجر

يقولها بن عطية بعد ما هو ضجر

كنها من الغيد جاته يوم به ذايره

الروم لو جندت للفرس قومٍ غجر

اوفر لها من حروبٍ كالرحا دايره

لو كل وادي اتى له واحد ثم نجر

راح الشجر لو بغاباتٍ بدت غايره

ولا الجبل ما هدم أبداً برمي الحجر

والريح تنحت سفوحٍ كالصور صايره

السلم به يسلم اللي كل ما هو شجر

هون بعدها ضديدٍ ما ضرى ضايره

صان الخصومه حدٍ ما هو بعدها فجر

حتى ولو بالعدو قومٍ غدت جايره

تفاحة آدم من الجنة بعدها زجر

حوى سببها الين الآن هي حايره

واللي هجر له ديارٍ تم لو هو هجر

اطلالها ترسمه برسوم له عايره

ذا قيل منهو ليا من قال قولٍ وجر

قوس الربابه سبب هوجاس له زايره