دوم صايب

قالها منهو بقوله دوم صايب

دون شكٍ يصطحب وياه ريبه

المصايب ما لها غير المصايب

لين يسلم كل ناشب من نشيبه

والسهايل هي تجي بعد الصعايب

كالشباب اللي قفى واقبل مشيبه

حفرتي بالمقبره بين النصايب

هي نهاية قصتي والموت غيبه

الفنى ما بين لحمات الكتايب

خير من عمرٍ طول من دون طيبه

وحدتك لا من رفوق ولا قرايب

مع معزة عزلةٍ تزداد هيبه

وان عنى دهرك ترى حث الركايب

من يعز نفسه بعد بيذل جيبه

وقتنا به شفت انا كل العجايب

يا مودي علم روح به وجيبه

ما بقت افراح ولا اي كرايب

كل وادي عاوي بالسفح ذيبه

تمت اللي عامره بين الخرايب

دون ما يظهر بقافي اي عيبه