امس الضحى

امس الضحى عديت مرقاب به يسلا

الخاطر الضايق ولا احدٍ علم حاله

آجر صوتي واللحن هرج به يكلا

منه عليل الروح قد زان له باله

عساه هو بالهم لا عم له يجلا

ويطيب له بالوقت حظه معه فاله

واللي دنى لا من دنى عل به معلا

لانه على ما قيل بالوقت جا عاله

يفرغ ليا منه ترى كنما يملا

خلاه ابن عمه وخلاه ابن خاله

منهو رخص قدره بنفسه ولو يغلا

باسمه فقط ينباع ببلاش لاعماله

وانا الذي للقيل فحلٍ تقل يطلا

طرسه بدمعه لو بدمه من اقواله

كلٍ يجي حجمه على قد ما يبلا

وانا بليت وجيت راهي بكل هاله

شعري ابد ما هو من المرجله يخلا

يا كيف دام القاف وزنه برجاله

هذا كلام اللي ليا قال ما يحلا

من بعدها وثق عليها مع افعاله